Fa de @GullahGeechee Chillun

Gullah/Geechee Nation ♦ August 2, 2020 ♦ Leave a comment

Disya @GullahGeechee Nation Appreciation Week, de Gullah/Geechee Famlee bin bless up wid plenee ting fa de chillun. Disya mahn nyame Brian tun Queen Quet, Chieftess of de Gullah/Geechee Nation (www.QueenQuet.com) een ta a cartoon. Yeddi disya bout de ‘ligious Horse:

Dem boi send disya fa de chillun watch bout de ants tuh:

Disya ting remind we of disya book by Queen Quet and Brudda Quadré Stuckey called “Goody, Goodie: A Gullah/Geechee Tale:”

Since de chillun bin home cuz Rona dey ya, Queen Quet and Librarian Shiela Martina took time ta read ta de chillun fa de Colleton County Memorial Library Summer Reading Program:

Big Mama frum de Lighthouse Theater bin dey fa crak e teet wid de chillun tuh:

Queen Quet had want dem churn fa yeddi e oda nyew book tuh, so e read de “Sandman’s Daughter” ta um:

Queen Quet bin dun do disya fa de chillun wha ain bin gwine git fa shum at a school:

Hunnuh kin gwine ta www.GullahGeechee.biz fa git books fa de chillun and fa de famlee. We want you to always continue to learn about our culture and to promote literacy in your family. Reading is for everybody! Ain juss fa de chillun!