Celebrate the Holy Days in Gullah/Geechee Ways!
Cum fa jayn de Gullah/Geechee famlee een sum fun and ting fa de Holy Days! Satdee, December 3, 10 &17 from 10 am-5 pm een Marion Square Park een Chastun, SC gwine be “Gullah/Geechee Day.” Cum fa support de Gullah/Geechee bizness wha dey dey.
Afta hunnuh dun shop een Chastun, mek hunnuh way doung and shop wid de famlee at de Martin Luther King Park pun St. Helena Island, SC Satdee, December 10 frum 9 am ta 2 pm. E gwine be de “Holiday Craft Fair.” So, hunnuh gwine wan git een dere.
Ef hunnuh ain gwine nyam pun de fry fish dey or hunnuh wan mo Gullah/Geechee ting fa naym pun, hunnuh kin tek de famlee ta “MJ’s Soul Food” pun St. Helena fa a lil bit fa nyam pun and den shop sum mo een de Corners area stores or de Welcome Center at Penn Center while hunnuh dey dey.
Cap off de ednin Satdee, December 10th at “Gullah Night on de Town” at de St. Helena Branch Library pun St. Helena Island, SC at 4 pm. Cum yeddi Delores Nevil sharin frum e book fa de chillun while de chillun wok pun sum holidee crafts and ting. Queen Quet, Chieftess of the Gullah/Geechee Nation (www.QueenQuet.com) gwine crak e teet wid de famlee bout how we celebrate de Holy Days de Gullah/Geechee Way!
Hunnuh kin bring a dish fa de potluck meal we gwine nyam pun.
All a disya FREE! Juss shop a lil bit wid de Gullah/Geechee Famlee!
- Posted in: Chieftess of the Gullah/Geechee Nation ♦ Gullah/Geechee Businesses and Industries ♦ Gullah/Geechee Crafts ♦ Gullah/Geechee Events ♦ Gullah/Geechee TV Educational Links ♦ Queen Quet ♦ Uncategorized
- Tagged: Charleston, children's activities, crafts, cultural heritage, Geechee, Gullah, Gullah Night on the Town, Gullah/Geechee Nation, holidays, language, Marion Square Park, Martin Luther King Park, Queen Quet, SC, St. Helena Island, St. Helena Library, traditional items